අද ඇරඹි පාකිස්තාන - ශ්රීලංකා දෙවන සහ අවසාන ටෙස්ට් ක්රිකට් තරඟයේ පළමු දිනය නිමාවට පත්වන විට පළමුව පන්දුවට පහර දෙන ශ්රීලංකා කණ්ඩායම කඩුලු 8ක් දැවී ලකුනු 261ක් ලබා ඉතා අසීරු අඩියක පත්වෙයි.
කොළඹ එස් එස් සී පිටියේ කාසිය වාසිය දිනා මුලින් පන්දුවට පහරදීමට නායක ඇන්ජෙලෝ මැතිව්ස් තීරණය කලේ වෙනදාටත් වඩා දැඩි තණ තීරුවක් සකස්කර තිබූ නිසා වුවද අංශ කිහිපයකින් සුවිශේශී තරඟයක් වන මෙහි වැඩි වාසි අත්කරගැනීමට අද දින නිදහස් දිනය සමරණ පාකිස්තානය සමත් විය.
ඒ අන් කිසිවක් නිසා නොව ශ්රීලංකා පිලේ පිතිකරුවන් 8 දෙනෙකු දැනටමත් ක්රීඩාගාරයට යවා ඇති නිසාවෙනි. මෙහිලා සුවිශේශී කාර්ය භාරයක් ඉටු කළේ පකිස්තානු වේග පන්දුකරණයයි. පිතිකරුවන්ට උචිත තණතීරුවක වුවද මනා සැළස්මකින් යුතුව පන්දුයැවූ පාකිස්තානු වේගපන්දුයවන්නන් සංගක්කාර, මහේල, මැතිව්ස් වැනි සුපිරි පිතිකරුවන් සමගින් ශ්රීලංකා පිල දමනය කරනු ලැබුවේ අතීතය සිහිගන්වමිනි. වාහබ් රියාස් සන ජුනයිඩ් කාන් වරෙක සිහිගැන්වූවේ වසිම් අක්රම් සහ වකාර් යුනිස් ගේ පන්දු යැවීමයි.. වාහාබ් රියාස්ගේ අධිවේග සහිත කෙටිපන්දු පිතිකරුවන් සම්පූර්ණයෙන්ම පරාජය කලේ එදවස වකාර් යුනිස් පන්දු යැවූ විලසිනි....
එදා වකාර් පීඩනය ගෙනෙද්දී වසිම් විකට්ටුව තුලට පන්දු යවා කඩුලු දවාගත්ත මෙන් අද වහාබ් පීඩනය ගෙනෙද්දී ජුනයි පන්දු යැවුවේ වසිම්ගේ අඩිපාර අනුගමනයකරමිනි.. ඒ අනුව දැවීගිය කඩුලු 8න් 7ක්ම ජුනයිඩ් සහ වහාබ් අතර බෙදී යද්දී මේ ව්යායාමය පසුපස සිටින්නේ අන් කවරෙක් නොව එදා පිටියේ සිටි වකාර් යුනිස් ය. පාකිස්තාන කණ්ඩායමේ නව පුහුණුකරු දූරයේ නැවත ක්රියාක්රන වකාර් ඉතාමත් මැනවින් තම අත්දැකීම් බෙදා දෙමින් සාර්ථක ප්රතිපල පකිස්තානයට දිනා දෙන්නට සමත් විය.
